"Á Violencia de Xénero...Dille Non!"

Dende o 14 de febreiro ata o 8 de marzo teremos no Ágora do noso centro a exposición "Á Violencia de Xénero...Dille Non!". É unha exposición gráfica ilustrada, dirixida a axudar ao alumnado a recoñecer, identificar e rexeitar condutas sexistas, nocivas nas súas relacións.

Despois de vela, debatiremos co noso alumnado sobre os temas que trata, celos, sextorsión, manipulación, control...

Doazón para a Asociación de mulleres vecinais contra o maltrato

O pasado luns, con motivo do Día Internacional contra a Violencia de Xénero, tivo lugar no noso instituto unha recollida de fondos para entregala á Asociación de mulleres vecinais contra o maltrato. O alumnado vendeu doces feitos por eles e tamén houbo aportacións por parte das familias e do persoal do centro.

Agradecemos todas as colaboracións desinteresadas, que fixeron posible doar a cantidade de 289,89 €. Na foto podedes ver a Javier López na asociación o venres 30 de novembro, día no que se fixo entrega do recadado.

Curtametraxe "Chica deja chico"

O luns 26 de novembro, con motivo do Día Internacional contra a Violencia de Xénero, fixemos un pase para o alumnado e familias do centro do vídeo "Chica deja chico". É unha curtametraxe feita por alumnado de 1º de bacharelato durante o curso 17/18 baixo a dirección de Carmen Losada e Javier López. Aquí tedes o enlace ao vídeo:

"Chica deja chico"

Carteis contra a violencia de xénero

O alumnado de 3º ESO elaborou carteis contra a violencia de xénero e a favor da igualdade con motivo do Día Internacional contra a Violencia de Xénero. Despois colgáronos polo instituto, tanto na entrada como nos corredores e o Ágora.  Estiveron moi motivados á hora tanto de idealos como de elaboralos e buscaron frases e lemas para poñelos neles.